Lalaki nga indi magpa pirde sa istorya, gin buno sang iya upod sa ilimnan

Pilas sa kilid ang naangkon sang biktima nga ginkilala sa kay Nemrod Dago, 42 anyos kag residente sang Barangay Panuran, Janiuay Iloilo matapos gin buno sang iya upod sa ilimnan nga gin kilala sa kay Jimmy Mamon sang amo man nga barangay matapos indi gid magpapirdi sa patayog tayog nga istorya ang biktima base sa panysayon sang pulis nga natabo kahapon nga adlaw.
Base sa pag pangusisa sang Janiuay PNP nga upod malang inom ang biktima kag ang suspek kag sang nahubog ini sila ang nag sabtanay kag nag binaisay.
Sang naglakat na pauli ang biktima, gin sundan ini sang suspek kag liwat sila nag sabtanay asta nag gabot ang suspek sang patalom kag gin buno ang biktima sa kilid.
Gilayon naman nag palagyo ang suspek apang nadakpan gilayon sang kapulisan samtang gina bulong naman sa ospital ang biktima.

Facebook Comments