Sa Arizona- Dako ang pasalamat sang pamilya sa ila hinuptanan nga ido bangud ginpaalerto sila sa presensya sang isa ka pervert sa sulod sang ila balay.
Suno sa Phoenix Police naabutan sang pamilya ang ido nga nagataghol sa atubang sang closet sa sulod sang ila balay.
Gamit ang claw bar ginbuksan nila ang cabinety kag didto hinali nga nagdalagan paggwa ang suspetsado.
Maswerte man nga nakuhaan sang pamila sang plate number ang salakyan sang 34 anyos nga si Michael Zabalza Ruelas.
Sang nalocate sang kapulisan nakita nila sa sulod sang salakyan sang suspek ang madamo nga panty sang 16 anyos nga anak nga babaye sang tagreklamo.
Sa pag-imbestigar sa suspek gin-ako sini nga nagsulod sya sa balay paagi sa bintana kag ginpangolekta ang panty sang dalagita nga nabutang sa laundry basket.
Indi man maathag kun ano ang ginahimo sang suspek sa mga underwear sang dalagita.
