Pagadian City – Wala na makalugnot ang 18 anyos nga lalaki nga kanhi dunay kasong kasong carnaping, dihang largo nga giposasan sa intelligence operatives sa Pagadian City Police Station human nakuhaa og 3 pakite sa gitoohang shabu atol sa drug buy bust operation kagahapon sa buntag didto sa National Highway Tawagan Sur, Pagadian City.
Kasong paglapas sa akta republika 9165 kun Comprehensive Dangerous Drugs Act of 2002 ang giatubang sa suspek nga nailang si Moner Pagayao, residente sa Brgy Sta Lucia, Pagadian City.
Sumala ni Police Capt Mario Regidor, PNP Intelligence Section nga gibutang sa manobela sa gimaenho nga single motor ang nakumpisak nga druga.
Gidugang pa niini nga ang suspect anaa sa watchilist sa PNP Pagadian gumikan sa mga kaso niini nga giatubang nga carnapping niadtong niaging tuig, apan wala napriso gumikan kay menorde edad.
