Padayon pa karon ang pag andam sa mga ebidensya lakip usab ang resulta sa imbistigasyon batok kang Abraham Lumontod Bonbon, usa ka mag-uuma.
Kini human sa nahitabong paghunos sa kinabuhi sa usa ka 65 anyos nga balo didto sa Purok 4, brgy. Marapong, lungsod sa Sergio Osmeña niadtong adlawng lunes mga 6:00AM kapin kun kulang.
Ang biktima mao si Adelina Lumontod Balacy nga kung diin nakita wala na’y kinabuhi sulod sa ilang panimalay ug wala na kini sa sapot sa ubos nga bahin.
Sa inisyal nga finding ngadto sa biktima base na usab sa gihimong pakigsusi sa mga pulis gituohan kining gibunalan sa gahi nga butang ang iyang agtang ug gituok pa kini nga posible sa hinungdan sa iyang wala damhang kamatayon.
Ang nahisgutan nga biktima giguyod pa kini mga 35 metros ang distansya gikan sa iyang panimalay ug gihulog kini sa pangpang.
Dugang pa sa imbistigasyon ang biktima nagpuyo kini nga nag-inusara sa iyang balay ug layo sa mga silingan unya kalit lang kining gisulod ni Abraham Lumontod Bonbon, matod pa nga lango kini sa ilimnong makahubog niadtong higayona.
Dali usab kini nga naaresto sa mga pulis, gani nagpaabot usab ang Pnp Osmeña sa resulta sa examination kung gilugos ba kini sa person of interest tungod kay walay sapot ang biktima niadtong higayuna.
Sigon pa ni PO3 Jonday Mansanadez Bago ang imbistigador sa maong insidente, lauman nga karong adlawa mapasaka na ang kaso ngadto sa korte batok kang Abraham.
