Nagpabiling anaa sa kritikal nga kahimtang ang usa ka lalaki nga nabuthan ug unay sa iyang gihimo nga Improvised explosive device kon IED didto sa siitio Datag Barangay Buagsong lungsod sa Cordova.
Nasayran nga ang biktima nga si Alijandro Pil , sakop diay sa usa ka drug group nga naglihok sa dakbayan sa Lapulapu ug Sugbu.
Matud ni Police Regional Office -7 Director , Chief Supt . Debold Sinas base sa nakuha nilang impormasyon si Pil nalambigit sa ilegal nga drugas ug sakop kini sa usa ka drug group nga dunay kaaway nga karibal nga grupo kansang pangulo anaa sa Mandaue City Jail.
Ang tuyo sa paghimo ug bomba ni Pil mao ang paghatag ug proteksiyon sa ilang kaugalingon batok sa ilang karibal sa ilegal nga negosyo ug dili alang sa paglusad ug terorismo.
