Lalaki nga nadakpan nga nagapakigsex sa prostitute sa balay sang iya inlaws sa bisperas sang lubong sang iya asawa ginpalakat nga nakabrief sa kalye.
Wala gid ginalauman sang mga pamilya sang napatay nga si Sibongile mthetwa sang Zimbabwe nga bastuson sang bana ang iya mismo haya paagi sa pagpakigsex sa prostitute.
Suno sa himata sang minatay, nag-abot sa ila lugar si Luscious Chiturumani nga may kaupod nga babaye kag ginpakilala nga iya utod.
Bangud mag—utod, nagpasugot ang ugangan nga magtulog ang duha sa isa lang ka hulot.
Apang sang aga na may nabati-an sila nga malain nga tingog gikan sa hulot kag sa kabalaka nga gin-atake sang balati-an si Chiturumani ginkadtuan nila ini apang nakibot sila bangud nagapakighilawas ang duha.
Didto na natukiban nga indi gale niya utod ang babaye kundi isa ka prostitute.
Bangud sini ginkastigo ang lalaki kag ginpalakat sila sa dalan kaupod sang babaye nga naga-underwear lamang kag wala sang panapot sa ibabaw.
