LALAKI NGA NADAKPAN NAMAKAL SANG BOTO SA BANWA SANG LAMBUNAO, GINPASAKAAN KASO SA PROVINCIAL PROSECUTOR’S OFFICE SANG LAMBUNAO PNP.

Ginpasakaan na sang kaso sang Lambunao PNP sa Iloilo Provincial Prosecutor’s office ang isa ka lalaki nga nadakpan nagpamakal sang boto.
Ginkilala ang akusado nga si Rodel Carmen, pumuluyo sang Poblacion Ilawod, Lambunao, Iloilo.
Ini siya ang gindakop sang Mayo 8, alas 9 sang aga matapos maaktuhan nga nagahatag sang kuwarta sa isa ka babaye kabaylo ang boto sini.
Kaso nga Vote buying base sa Art. 22, Sec 261 sang Omnibus election code ang ginapangatubang nga kaso sang nasambit nga persona.