Padayon pang nagpaalim sa samad nilubaan ang usa ka biktima nga si Diognes Boquida Alaformina nahitabo ang insidente niadtong miaaging adlaw didto sa Brgy. Overview sakop sa lungsod sa Liloy bandang 6:35PM.
Sa gihimong pag imbistiga sa kapulisan sa maong lungsod Liloy nasayran nga ang biktima nga si Diognes ug ang iyang tiyo nga si Sumadal Galindo nag inom kini sa panimalay ni konsehal Dante Basay, apan matod pa kalit lang miabot ang suspetsado ug sa walay daghang pangutana milanit kini ug screw driver dayong luba ngadto sa biktima.
Maayong pagkaigo sa walang bahin sa paa ni Diognes ug dali kining gidala sa pinakaduol nga balay tambalanan alang hinanaling medikasyon.
Ang gitumbok nga miluba sa biktima mao si Richard Muscay kinsa miikyas padulong sa wala masayring direksyon.
Narekober sa kapulisan sa lugar nahitaboan ang usa ka screw driver nga adunay gitas-on 12 pulgada.
Ang person of interest gawasnon pa hangtod karon samtang padayon usab ang pagpangita niini sa mga tinugyanan sa balaod aron manubag sa salaod nga iyang nabuhat.
