LALAKI NGA NAGALAKAT NASALABAT SANG BALA SA PAGPANGLUTHANG SA CHECKPOINT SA BAROTAC VIEJO

786

Pilason ang isa ka lalaki matapos maigo sang bala sang magluntad ang pagtiruhay sa ginahiwat nga checkpoint sa Barangay San Lucas, Barotac Viejo, subong lamang nga gab-i (Pebrero 19).

Ginkilala ang biktima nga si Manuel Badeles Jr., 18 anyos sang nasambit nga lugar.

Ginpahayag ni Police Chief Inspector Joven Arevalo, hepe sang Barotac Viejo PNP nga nagahiwat sila sang checkpoint kaupod sa SWAT team sang IPPO sang may isa ka motorsiklo nga may duha ka sakay ang nagpalupok sa mga pulis kag madasig nga nagpalagyo pabalik sa banwa sang Banate.

Bangud sini, nagbalos man palupok ang mga kapulisan sa mga suspek kag ginlagas apang wala nila malab-ot.

Matapos sini, nakit-an na lamang nga may pilas na sa kilid ang biktima nga si Badeles kag dali-dali nga gindala sa ospital.

Suno kay Arevalo, indi pa matumod kon sin-o ang nakaigo sa nasambit nga biktima.
#tatakRMN

Facebook Comments