LACARLOTA CITY, NEGROS OCCIDENTAL – Patay ang isa ka lalaki matapos ginluthang sang riding in tandem sa Barangay RSB syudad sang La Carlota pasado las 5 kaina sang aga, Hulyo 24.
Ginkilala ang biktima kay Wilfredo de Asis, 43 anyos sang Brgy. RSB, La Carlota City kag basi sa impormasyon, isa ka ex-convict kag kilala man sa ila nga Barangay nga involve sa pila ka kaso sang kinawatay sang manok.
Sa imbistigasyon, nagapangape si de Asis sa waiting shed sang amo nga lugar sang may duha ka persona nga nagaangkasanay sa motor ang hinali nagdulog, isa dire ang nana-og kag hinali nga gintiro si de Asis, igo sa ulo ang naangkon sang biktima nga gintunaan sang iya hinali nga kamatayon.
Gilayon naman nagpalagyo ang 2 ka suspek sakay sa motor, samtang padayon naman ang imbistigasyon sang kapulisan sa motibo sang amo nga krimen.
[image: image.png]
