Dead on arrival sa ospital ang isa ka lalaki matapos ginluthang samtang nagahampang sang baraha sa bilasyunan sa barangay Dacal, San Enrique, Iloilo.
Ginkilala ang biktima nga si Jun-jun Mandapat, 28 anyos kag pumuluyo man sang nasambit nga lugar.
Ginpahayag sa imbestigasyon sang San Enrique PNP nga nagahampang sang sugal ang biktima sang ginluthang sang suspek nga ginkilala kay Rhowie Lasap, 30 anyos kag pumuluyo sang amo man nga lugar.
Gindala pa sa ospital si Mandapat apang gin deklarar nga DOA samtang boluntaryo naman nga nagsungka sa kapulisan ang suspek.(sspunay)
Facebook Comments
