Indi na interesado ang pamilya nga magpasaka sang kaso batok kay Nestor Derraco sang Barangay Pani-an, Balasan, Iloilo, ang suspek sa sa pagbuno-patay gamit ang tinidor sa iya man lamang magulang nga si Aida, 80 anyos.
Ginpahayag ni Police Sr. Inspector Alexander Lauron, hepe sang Balasan Municipal Police Station, nag-file na sang affidavit of non-interest ang mga utod ni Nestor nga sanday Facundo kag Arnulfo Derraco nga nagapahayag indi na sila interesado nga kasuhan ang ila utod.
Suno kay Lauron, nagpahayag ang mga utod nga indi na sila magpasaka sang kaso bangod tigulang na kag may balatian pa ang ila utod.
Madumduman, ginbuno-patay ni Nestor ang iya utod sang Disyembre 1 paagi sa pagtuslok snag tinidor sa puwak sang iya utod.
Photo from web
