Lalaki nga naghalin sa bulangan gintiro patay, upod pilason

1114

SILAY CITY, NEGROS OCCIDENTAL – Lalaki nga naghalin sa bulangan patay matapos gintiro samtang nasamaran naman ang isa niya ka kaupod kaina sang kaagahon sa Brgy. Bagtic, Silay City.

Nakilala ang biktima nga napatay nga amo si Rodolfo Bantad, legal ang edad, kasado kag pumuluyo sang Had. Alasigan, Brgy. Bagtic, Silay City, samtang nasamaran naman si Argie Ricabal, 31 anyos, single kag pumuluyo sang Had. Camantiro, Brgy. Guimbalaon, Silay City.

Suno sa imbestigasyon sang Silay City Police Station ang insidente natabo las 3 kaina sang kaagahon sa Had. Alasigan, Brgy. Bagtic kon diin ang mga biktima sakay sang ila motorsiklo ang magapauli na halin sa Silay Cockpit Arena.

Sa ila pag-abot sa amo nga lugar, ini sila ang gintiro sang makapila ka beses sang wala makilala nga mga suspek.

Nag-angkon sang madamo nga pilas sa pila ka bahin sang iya lawas angmga biktima kag ini sila ang gindala sa Teresita Jalandoni Provincial Hospital apang gin-declare nga dead on arrival (DOH) si Bantad sang attending physician nga si Dr. Jeremiah Muscardon may mga las 4:46 sang kaagahon.

Samtang si Ricabal naman ang ginsaylo sa Corazon Locsin Montelibano Memorial Regional Hospital kon diin ini siya ang padayon karon nga ginabulong./Agnes Apostol

Facebook Comments