Lalaki nga naghupot og ihalas nga armas, gidakop sa kapulisan

44

Pagadian City – Gidakop sa kapulisan ning syudad sa Pagadian ang usa ka lalaki nga naghupot sa ihalas nga armas human kining gisilbihan sa search warrant sa Purok Talong, Barangay Lumad ning dakbayan alas 8;30 kagabii.
Giila ang nadakpan nga si ALEJANDRO BAHINTING CAMPOMANES, hamtong ang panuigon ug residente sa nasangpit nga lugar.
Armado ang kapulisan sa Search Warrant batok sa suspek sa kasong paglapas sa Akta Republika 10591 kun COMPREHENSIVE LAW ON FIREARMS AND AMMUNITION Act.
Nakuha sa gikan sa posisyon sa suspek ang usa ka unit caliber 45 pistola, government model nga dunay serial number 418511 ug dunay duha ka magazine.;
Nahipos usab ang dose sa buhing bala sa calibre 45 nga pistola; laing usa ka unit sa magnum caliber .22 revolver nga dunay upat ka buhing bala ug usa ka unit magazine sa M14.
Ang dinakpan gipaslak na sa Pagadian City Police Station Lock up cell ug gipasakaan na sa tukmang kaso.

Facebook Comments

From Advertisers