Leon B. Postigo, ZDN-Wala na madala pa sa ospital ang biktima sa pagpamusil nga nahitabo didto sa may Brgy. Talinga, LB Postigo kaniadtong adlawng lunes mga alas 8:30PM.
Ang biktima mao si Eusebio Doyogon, 56 anyos residente ra usab sa nahisgutan nga barangay.
Base sa gihimong pag imbistiga sa PNP Postigo, ang biktima naglingkod kini diha sa ilang sala ug nag storyahanay kini sila sa iyang asawa nga si Wilsita Doyogan kinsa atua sulod sa iyang kwarto niadtong higayona.
Nakurat nalang ang asawa sa dihang naka dungog ug masipang buto, dali kining gisusi apan iyang nakita nga nagbuy-od na sa salog samtang naligo sa kaugalingong dugo.
Gituohan sab nga gipusil kini sa wala mailang indibidwal didto agi sa bintana nga kung diin didto naglingkod duol ang biktima ug walay kuryente niadtong higayona.
Ang biktima nakaangkon kini ug samad pinusilan sa iyang tangkugo ug milapos pa kini sa walang bahin sa iyang mata nga maoy hinungdan sa iyang wala damhang kamatayon.
Nasayran usab nga kining biktima adunay tanggong nga kaso may kalabot sa pagka guba sa propedad tungod sa binuy-an nga baboy ug gipasaka kini nga kaso ni Dodo Antipuesto didto sa Datagan, Sindangan.
Sa laing bahin, ang biktima usab adunay kini tanggong nga reklamong gipasaka sa buhatan sa kapitan sa may brgy. Talinga batok kang Wilben Gomez tungod matod pa pag guba sa motorsiklo sa biktima kaniadtong Hunyo 2108.
Kasamtangan karong gitan-aw sa kapulisan sa Postigo kun may kalabutan ba kini sa pagkamatay sa biktima.
