Lalaki nga nagpayuhot sa gidili nga droga nadakpan

28

Tuluran, Zamboanga del Sur – Wala makalugnot sa kamot sa otoridad ang usa ka Lalake nga gitoohang nagpayuhot sa gidili nga druga human kining nasapon sa checkpoint sa Prk. Narra, Brgy. Militar, Tukuran, Zamboanga del Sur partikyular atubangan sa Serina Beach
Giila ang dinakpan nga si Ricky Puspus, residente sa Brgy. Dumagoc, Pagadian City.
Basi sa imbestigasyon, gipanid-an sa Pulis asset nga sakop sa Provincial l Drug Enforcement Unit (PDEU) ang target nga dunay katransaksyon ug matod pa mipalit kini og gidili nga droga didto sa Sultan Naga Dimaporo ug pag-abot sa nasangpit nga checkpoint didto naharang ang suspek.
Nakuha sa iyang posesyon ang unom (6) ka sahet drugang shabu, marked money nga 590 pesos lakip ug ang cellphone niini.
Hugtanong gipanghimakak sa suspek nga siya pusher sa gibawal nga droga apan aminado kini nga tigamitan ug ang nakuha nga droga iya kining konsumo.
Balhog ang suspek sa lock up cell sa PDEU ug gi-andam ang kasong paglapas sa RA 9165 kun “Comprehensive Dangerous Drugs Act of 2002”.

Facebook Comments

From Advertisers