ILOILO – “Sa naghimo kada ya kanakon, indi ta gid ka pagpalinungon.”
Ini ang pinaka-ulihi nga mensahe nga ginbilin ni Jodel Guarin sang San Enrique , Iloilo antes niya gin-utas ang kabuhi matapos may nag-upload sang ginapahayag bastos niya nga video sa Facebook.
Suno sa iloy sang biktima nga si Josephine, sugod sang gin-upload sa Facebook ang nasambit nga video, masami na nga nagahibi ang iya anak kag nagapabutyag nga daw kanami na lang maghikog bangud sang kahuy-anan kag ginahimo siya kaladlawan.
Dugang pa ni Josephine nga indi mahim-os ang iya anak kag makapila ini ka beses magpamangkot kon sin-o ang nagsasko sa iya bangud indi ini makahibalo mag-facebook.
Indi naman mabaton ni Josephine kag sang bug-os nila nga pamilya ang nadangatan ni Jodel bangud sang pagpangsasko sa ila himata.
Nahibaluan nga bulag sa asawa ang biktima, may duha ka anak kag nasapwan na lang ini sang isa niya ka anak nga nagabitay sa ila balayan sang Disyembre 16 kag wala na sang kabuhi. /// Photo from web
