Pormal na karon nga gipasakaan ug kaso ang usa ka dinakpan, human nagpahigayon ug operasyon ang sakop sa PNP Sindangan uban sa lima ka CAA, ug sa AFP didto sa may brgy. Tinaplan, lungsod sa Sindangan ning atong probinsya sa Zamboanga del norte dili palang dugay.
Ang naaresto mao si Samuel Mangitngit Ortillano alyas Sanny, 48 anyos ug nagpuyo kini sa nahisgutan nga lugar.
Si Samuel aduna kini tanggong nga warrant of arrest gikan sa lamesa ni Judge Reymar L. Lacaya sa 9th RTC , Sindangan, Zamboanga del norte penetsahan kini ug Mayo 30, 2017, nga kung diin nakalapas kini sa Sec. 10(a) sa R.A 7610 (N ACT PROVIDING FOR STRONGER DETERRENCE AND SPECIAL PROTECTION AGAINST CHILD ABUSE, EXPLOITATION AND DISCRIMINATION, AND FOR OTHER PURPOSES.) adunay CC. no. S-5590, ang korte adunay pyansa nga ge rekomendar sa kantidad nga P80,000Mil ka pesos.
Sa pagkakaron tanggong pa gihapon ang maong dinakpan human wala nakabayad sa pyansa nga gipangayo sa korte.
Sa laing bahin ang kapulisan sa lungsod sa katipunan, ning atong probinsya dili palang dugay nagpahigayon kini sa pagbisita sa may brgy. Uno, Sakop sa maong lungsod, may kalabot kini sa Oplan Tokhang kun toktok hangyo.
Gipanguluhan kini sa inahan sa maong brgy. Nga si kapitana Gina G. Salazar uban sa Barangay Anti-Drug Abuse Council (*BADAC*) aron mo bisita sa mga panimalay nga sakop sa iyang barangay alayon kini sa gipakusgan nga pakigbatok sa guinadiling droga dinhi sa atong nasud sa pilipinas ilawom sa adminstrasyong duterte.
