Davao City – Gisikop sa kapulisan ang usa ka lalake tungod sa paglapas sa Executive Order 62 subay sa General Community Quarantine nga gipatuman sa dakbayan sa Davao.
Alayon ani, dako ang posibilidad nga madusoan sa Buhangin Police Station og kaso sa piskalya si ang usa ka alyas Tata, 35 anyos, ulitawo, ug nagpuyo sa Barangay Tigatto ning syudad.
Nadakpan si alyas Tata sa Buhangin Public Market pasado 3:00 sa hapon diin sa dihang gipangitaan kini og dokumento sa Authorized Persons Outside Residence (APOR), napakyas ang ulahi sa pagpresenta sa pulis.
Gawas sa ni alyas Tata, nakasikop na sab ang Buhangin PNP ug mga violators sa EO 62 ug hugot sab ang ilang pagpatuman sa maong executive pinaagi sa pagmuntar ug mga checkpoints sa ilang AOR.
Padayon nga nanawagan ang Hepe sa Presinto 5 nga si Police Major Estrello Ramiso ngadto sa katawhan sa Buhangin Area nga magpondo sa balay kung walay mahinungdanong tuyo sa gawas hilabi na kon dili pa schedule sa ilang paggawas silbing lakang sa pagpakunhod sa COVID cases sa syudad.
RadyoMaN Joel Viray
