Pagadian City – Kasong paglapas sa Akta Republika 9147 kun “Wildlife Resources Conservation and Protection Act”) ang giatubang karon sa 40-anyos nga lalaki dihang nasakpan kining nangoleksyon og mga ihalas nga bulak.
Alas 11:15 nag-ipon og pwersa ang tropa sa Pagadian City Police Station nga gipanguluhan ni PMSg Juvaira Macabada ug ang persoanahe sa City Environmental Natural Resources pinaagi ni Edilberto Openza, Jr. ang Chief, Surveillance and Intelligence Unit.
Naharang dihang dapita sa Community Police Action Center COMPAC sa purok Sili 1, Brgy. Danlugan ning dakbayan ang usa ka Dennis Maganad Tejada Sr., 40-anyos, residente sa Purok Lanzones, Barangay Lison Valley, Pagadian City.
Nakuha sa posisyon sa dinakpan ang Wild Orchid, Paku-Paku, Ground Orchids, Fern and Birds Nest nga posibleng ibaligya unta sentrong bahin ning syudad. Ang dinakpan gidala sa buhatan sa kapulisan alang sa dugang nga dokumentasyon.
