Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station miingon kini nga pasakahan og kasong pagpangawat ang suspek nga gitago una sa pangalang Noli.
Segun ni Hugos, gi-imbestigahan na sab sa kapulisan ang duha ka biktima nga tindera sa maong kan-anan.
Gipaniguro sa hepe nga ilang dakpon ang maong kawatan aron dili na subling mahitabo ang insidente sa pagpangawat sa ilang area of responsibility (AOR).
Gi-awhag ni Hugos ang mga nanag-iya og mga establisemento ug kan-anan nga magbinantayon aron dili malutsan sa mga kawatan.
“Duha ra man gyod ang elemento sa krimen: ang desire ug opportunity. Kung dunay desire ang usa ka tawo og walay opportunity most probably walay krimen mahitabo pero kun dunay opportunity posisble mogawas ang desire sa usa ka tawo mao na mag-amping gyod ta,” sulti Hugos.
Kahinumdoman nga nahinanok sa pagkatulog ang duha ka tindera hinungdan nga nakahigayon ang suspek sa pagpangawat apan nakuhaan kini sa CCTV.
Samtang gipakusgan sa San Pedro Police Station ang kampanya kontra krimen og mas hugot nga seguridad ang gipatuman ingon man sa pagbantay sa ilang AOR aron dili na subling mahitabo ang insidente sa pagpangawat.
RadyoMaN Don Pulayao
