Tabina, Zamboanga del Sur – Kasong paglapas sa Akta Republika 10591 kun Comprehensive Firearms and Ammunition Regulation Act ang giatubang karon sa 47-anyos nga lalaki human kining gisumbong nga nani-on og armas alas 3:10 kagahapon sa hapon didto sa Purok Tanducan, Brgy. Poblacion, Tabina, Zamboanga del Sur.
Midangop sa buhatan sa kapulisan sa lungsod sa Tabina ang 24-anyos nga biktimang si Demson Dabon Maglasang dihang giti-unan og armas sa suspek nga si June Ver Cadorna Tiongco .
Daling girespondehan sa elemento sa kapulisan ang maong reklamo og nasapon ang suspek nga Tiongco nga nagkupot sa calibre 45 pistola nga dunay usa ka magazine nga gisukipan sa tulo ka buhing bala.
Dihang gipangitaan sa dokumento napakyas kini sa pagpakita rason nga largong gidakop ug atol sa pagrekisa nakuha gikan sa posisyon sa suspek ang sling bag nga gisudlan sa caliber 9mm homemade revolver nga adunay tulo ka buhing bala.
Ang suspek gipaslak na sa Tabina Municipal Police Station Detention Cell
