Sergio Osmeña, ZDN- Pormal na karong nag atubang sa kasong pagpatay si Mario Tormis Fernandez alyas Loloy, 45 anyos human na pasaka ang kaso sa korte.
Kahinumduman nahitabo ang pagpanigbas didto sa may Purok 2, Brgy. Bag-ong Baguio, Sergio Osmeña, ZDN. Sa miaging byernes Pebrero 15, 2019 sa may 9:30PM.
Ang biktima mao si William Tormis Lubiano Sr., 59 anyos, usa ka mag uuma ug residente ra usab sa maong barangay.
Sa resulta sa imbistigasyon sa kapulisan sa maong lungsod, matod pa ang biktima ug kini si Benjie Calape, nag inom kini ug tuba sa balay sa biktima, apan ang suspetsado nga si Mario, gilabay niya ug bato ang balay ni William, hinungdan nga migawas ang biktima sa iyang balay bitbit ang usa ka kahoy ug flashlight aron komprontahon ang suspetsado, apan armado d.i kini sa sanggot ug sa walay duha-duha, gitigbas ang biktima, maayong pagkalaplap sa aping ug liog niini, nga maoy hinungdan sa iyang diha-diha nga kamatayon.
Niadtong adlawang sabado, mitahan mitahan ang suspetsado sa buhatan sa kapulisan sa Sergio Osmeña.
Usa sa gituohang hinungdan sa pagpanigbas tungod sa personal nga bangi.
