Sa interview sa DXDC RMN Davao kang Police Captain Marlon Donguilab, Deputy for Operation Officer sa Toril Police Station giingon niya, walay nakitang foul play ang kapulisan sa kamatayon sa biktima nga si Danilo Dumaloan alias “Balot”, 50 anyos, empleyado sa usa ka banana plantation ug residente sa Purok Durian, Brgy Tagakpan, Tugbok District ning siyudad.
Segun ni Donguilab, ila pang ginasuta kung nahulog ba ang biktima sa pangpang tungod pipila na kaadlaw ang milabay una nakit-an ang patay’ng lawas niini.
Gidugang sa opisyal, lakip sa gi-imbestigahan sa mga imbestigador ang anggulo nga ang biktima naka-abot sa laing barangay ug didto nakit-an ang patay’ng lawas.
Ang patay’ng sa lawas sa biktima gidala sa Villa Funeral Homes sa GTH, Toril ning dakbayan.
Kahinumdoman nga nakadawat og report ang Toril Police Station kalabot sa napalgang patay’ng lawas sa usa ka lalaki nga nagbuy-od sa maong lugar apan una pa nakit an ang patay’ng lawas sa biktima nag-inum pa kini niadtong Abril 24 sa alas nuebe sa buntag kauban ang iyang mga barkada hangtud nga namara kini og close-cab aron nga magpahatud sa ilang balay sa Brgy.Tungkalan ning syudad.
RadyoMaN Don Pulayao
