Gipasakaan na ug kasong pagpanglugos si Junrey Giñoso Turtal, 32 anyos, nga taga Purok Santol, Brgy. Silawe sakop sa lungsod sa Polanco.
Duha ka counts ang gipasakang kasong rape batok kaniya nga gisang-at sa lamesa ni Judge ROGELIO D LAQUIHON may kalabot sa salaod nga iyang nahimo.
Kahibaloan nahitabo ang pagmolestiya niadtong adlawng sabado mga 8:05AM.
Ang biktima usa ka 19 anyos nga dalaga, molupyo sa nahisgutan nga barangay sakop sa lungsod sa Polanco.
Butyag pa ni PCINSP ALEJANDRO TIBA TRABADILLO ang hepe sa maong lungsod gimolestiya ang maong dalaga ni Junrey.
Tungod sa maong panghitabo nagpakitabang ang inahan sa dalaga sa kapulisan sa Polanco aron ipasikop kini sa mga tinugyanan sa balaod.
Positibo usab nga giila sa biktima ang mihimo kaniya sa pagmolestiya, dali kini nga gi aresto sa mga pulis nga meresponde didto sa Purok Mangga, brgy. Silawe, Polanco.
Kagahapong adlawa gidala na si Junrey Giñoso Turtal didto sa Zamboanga Del Norte Correctional and Rehabilitation Center, Barangay Don Jose Aguirre, Manukan aron sa pagserbisyo sulod sa bilangguan sa iyang nahimo kalapasan.
