Lalaki nga pumalit hin irimnon, nanbuno matapos mahiburuan nga lumakat na an iba niya nga kainom

1315

TACLOBAN CITY – Ginpanmumuno an usa nga babayi ha Brgy. Suhi, Tacloban City kagab-i, March 1.

Subay ha report han Tacloban PNP, ginkilala an suspek nga hi Bonifacio Lacaba, 20 anyos, residente han Brgy. 105 Suhi, Tacloban City.


Gintago naman ha ngaran nga Mayra an biktima.

Sumala kan PCapt. Marjorie Manota, tagapagyakan han Tacloban PNP, nag-iirignom ha balay ni Mayra an suspek ngan mga kasangkayan hini.

Han tabis na an kagab-ihon, nagdesisyon an mga kasangkayan nga manguli na pero hi Lacaba, pumalit pa hin irimnon ha tindahan.

Pagbalik ni Lacaba, waray na an mga kasangkayan hini ngan hi Mayra nala an nahibilin. Ginpakianhan han suspek hi Mayra kun hain na an ira iba nga kainom, an baton ni Mayra “nanguli na” ngan ginbuno han suspek hi Mayra gamit an kutsilyo.

Nakaangkon hin buno ha kamot ngan ha butkon an biktima.




Kanina han alas 7:00 han aga, March 2, nadakop na an suspek ngan maatubang hin frustrated murder nga kaso.

Samtang hi Mayra, padayon nga gintatambal ha hospital.

Facebook Comments