i Balita
October 05, 2019
(Photo from web)
LALAKI NGA TUMAN KA HUBOG ARESTADO, NAGBATU PA SA ARRESTING POLICE OFFICER KAG NANIPA SANG MGA PRISO
Arestado si Joey Glen Pinedez, 22 anyos sang Brgy. Turog-turog, Oton, Iloilo. Suno sa kay Police Master Sergeant Allen Selda imbestigador sang La Paz PNP, samtang nagapatigayon sang mobile patrol ang La Paz PNP sa Brgy. San Nicolas, La Paz ila na akatohan si Pinedez nga pilit ginabuksan ang pwertahan sang isa ka pribado nga salakyan.
Dugang pa ni Selda, sang ginsaway si Pinedez sang kapulisan dumalagan ini kag nag palagas sa katapo sang police apang sang ulihi natigayon man nga na arestar. Dugang pa ni Selda, isa sa mga arresting officers ang gintampa ni Pinedez.
Sang gindala na si Pinedez sa lock up cell sang La Paz PNP, wala makaluwas ang mga priso sa sipa ni Pinedez. Natabo ang pag arestar kay Pinedez takna 12:00 sini nga kaagahon ( October 5, 2019 ) sa Brgy. San Nicolas, La Paz.
Kaso nga oral defamation, resisting arrest, malicious mischief ang ipasaka nga kaso sang kapulisan batuk kay Pinedez.
