Nagapabilin sa intensive care unit (ICU) ang isa ka construction worker matapos ginbuno sang iya katrabaho sa Barangay 5, Sarrat, Ilocos Norte.
Base sa imbestigasyon sang otoridad, nag-inom ang suspek kag ang biktima sa isa ka videoke bar sang nagluntad ang indi pag-intindihanay kag nag-away bangod sa balayran sa ila gin-inom.
Nagsumbaganay ang duha bangod wala nag-amot sa balayran nga ilimnon ang biktima tubtob nga ginbuno ini sang suspek.
Suno sa impormayson, mismo ang biktima pa ang nagpanghagad nga mag-inom apang siya man gali ang wala nag-amot sa bayranay.
Nagapabilin karun sa ICU ang biktima bangod sa patal nga pilas sa tiyan tuga snag pagbuno.
Nadakpan naman ang 24 anyos nga suspek sa Allacapan, Cagayan.
Magluwas sa kaso nga frustrated murder, magapangatubang man ang suspek sa kaso angot sa pagbayolar sa Republic Act 9165 ukon Comprehensive Dangerous Drugs Act of 2002 matapos makuha-an sang ginapatihan marijuana kag shabu.
Photo from web
