Banga, South Cotabato–Patay ang usa ka lalaki samtang samdan usab ang kaubanan niini human nga gibunalan ug bato sa Sitio Santo Niño, Brgy. Lamba, Banga, South Cotabato, pasado alas 7:00 sa gabie niadtong Pebrero 15, 2021.
Giila ang mga biktima nga silang Sadam Abdul Alim, 26 –anyos ug Joemar Macadatu Abdul, 34 –anyos pareho residente sa Purok Riverside, Brgy. Lamba, Banga, South Cotabato.
Ang maong kaso ang ginturn-over sa Banga MPS sa Barangay Lupong Tagapamayapa sa Barangay Lamba, human nasayran nga alas 4:20 sa hapon sunod nga adlaw dihang na napatay ang biktima nga si Joemar Macadatu Abdul, samtang gipailawom sa medikasyon.
Sa pahayag sa biktima nga si Sadam Abdul Alim nga samtang nagainom sila uban sa mga suspek nga silang Johnny Diamante Ayson, 35-anyos, Julius Diamante Ayson, 27 –anyos, Jeferson de Torre Balladares, 21-anyos, James Diamante Ayson alias Em2x ug Jason De Torre Balladares parehong residente sa Sitio Santo Niño, Brgy. Lamba nahitabo matud pa ang panaglalis tali nilang ni Jason De Torre Balladares ug sa mga biktima nga hinungdan sa kagubot.
Gikaingong gitabangan sa mga suspek nga silang Jason De Torre Balladares, James Diamante Ayson alias Em2x ug Jeferson de Torre Balladares ang biktimang si Jeomar Macadatu Abdul samtang duha ka mga suspek ang mibunal ug bato sa ulo niini nga hinungdan sa iyang kamatayon.
Malampuson usab nga nasikop ang mga suspek nga silang Johnny Diamante Ayson; Julius Diamante Ayson, ug Jeferson Balladares, samtang ang duha ka mga suspek nga silang James Diamante Ayson ug Jason Balladarte ang nagpabiling at large karong panahuna.
Nakatakda usabnga ipasang-at ang tukmang kaso batok sa mga suspetsado.
