Lalaki patay human gipusil sa wala mailang suspetsado

Padayon ang imbestigasyon sa kapulisan sa Iligan sa kamatayon sa usa ka lalaki nga gipusil patay mismo sa iyang panimalay sa Bayanihan Village Sta. Elena ning syudad sa Iligan,.

Kahinumduman, nga naka angkon ug samad sa ulo, dughan ug pipila ka parte sa lawas ang biktimangĀ  si Ronnel Vallejos, 30 anyos,habal habal driverĀ  dunay ka live-in ug molupyo sa susamang dapit.

Matud sa igsuon niini nga alas 10 kapin kun kulang ang takna niadtong miaging gabie igo lang mi abri sa ilang pultahan ang maong biktima dihang gipusil kini sa wala mailang mga suspetsado gamit ang .45 kalibre nga pistola.


Daling nakasibat ang maong mga suspetsado pagkahuman sa maong krimen.

Sumala sa asoy sa igsuon niini, nga duna nay kaso kaniadto ang maong biktima nga may kalabutan sa illegal nga druga.

Ang patayng lawas sa biktima anaa karon nakahaya sa Capin Funeral Homes ning syudad sa Iligan

Facebook Comments