Lalaki patay human makuryente samtang nag-operate of crane

11

[image: 52606128_1018522588357987_6587319911721205760_o.jpg]
Dead on the spot human mapaig ang lawas sa usa ka trabahante tungod aksidenteng nakuryente samtang anaa sa trabahoan sa Purok 14, Diversion Road, Barangay Katangawan ning siyudad gahapon sa hapon.

Base sa report gikan sa Bureau of Fire Protection, gibutyag ni Police Major Yol Hilado hepe sa Tinagacan Police Station 8 giila ang biktima sa pangalang Genefer Ganancial, 51 anyos og residente sa Purok Sunrise Barangay Lagao.

Nasayran nga samtang nagtrabaho ang biktima na nag-operate sa crane wala niya makit-an ang live wire ug ang iyang gisakyang trak nakabig ang buhing linya sa kuryente.

Mikatay ang dakong boltahe sa kuryente sa iyang sakyanan samtang siya anaa sa ilawom og wala dayon siya makadagan palayo.

Dunay cellphone sab sa iyang bulsa dihang nahitabo ang aksidente rason nga dakong kuryente ang niadto kaniya.

Gikuha na sab sa iyang pamilya ang patayng lawas sa trabahante.

Facebook Comments