Lalaki, patay human nga nalumos

55

Wala nay kinabuhi nga napalgan ang usa ka lalaki sa may baybay nga bahin sa purok 5-A barangay Santiago ning dakbayan sa Iligan alas 3:50 ang takna sa kahaponon kagahapong adlawa.

Biktima nailang si Junnie Boy Rivera, 16 anyos, single ug molupyo sa Purok 4 Barangay Santiago ning dakbayan sa Iligan.


Matud sa amahan niini nga si Diosdado Rivera, nga naligo sa dagat ang biktima alas 9 kapin kun kulang ang takna sa buntag apan  sukad niadto  wala na kini maka uli pa.

Nakit-an na lang kini sa mga silingan nga naglutaw-lutaw nga wala nay kinabuhi sa nasangpit nga lugar.

Gituohang giatake sa patol ang maong lalaki hinungdan nga nalumos kini ug nakabsan sa hinulamang kinabuhi.

Ang patayng lawas sa biktima gidala sa Mary Venus Funeral Parlor.

Facebook Comments

From Advertisers