Patay si Adrian BraseliƱo , 24 anyos kag residente sang Brgy. Canauillian, Janiuay matapos ginlabo sang iya utod nga ginkilala kay Fherlyn BraseliƱo, 21 anyos.
Natabo ang insidente pasado las 6:00 kaina sang aga, Marso 5 sa nasambit nga lugar.
Suno kay Police Captain Dadjie Delima sang Janiuay Municipal Police Station, nagapanghilam-os si Adrian sa ila banggirahan sang hinali lang nga ginlabo sang utod nga si Fherlyn sang makapila ka beses gamit ang ginunting.
Nakaagum sang madamo nga pilas sa likod ang biktima kag gindala sa hospital apang gindeklara nga dead on arrival.
Suno pa kay Delima nga wala man sang may natabo nga pagbinaisay sa tunga sang mag utod antes ang insidente apang ginapahayag nga may deperensya sa panghuna-huna ang suspek.
Yara na sa kustodiya sang Janiuay PNP si Fherlyn.
(photo from the web)
