Patay ang isa ka lalaki matapos luthangon sang iya kasilingan sa barangay Maribong, Lambunao, Iloilo mga alas 5:45 kaina sang hapon (Marso 8).
Dead on arrival sa Lambunao District Hospital ang biktima nga si Gilbert Lavente, 36 anyos sang nasambit nga lugar.
Samtang nagapabilin naman nga at large matapos nagpalagyo ang suspek nga si Jethro Palma, 30 anyos sang amo man nga lugar.
Base sa imbestigasyon sang Lambunao PNP, magkaupod nga naga-inum ang duha sa guwa sang ila mga balay sang magluntad ang pagbaisay kag indi pag-intsindihanay.
Bangud sini nagsulod sa iya balay si Lavente kag nagkuha sang tigib samtang nagsulod man sa iya balay si Palma kag nagkuha sang long barrel nga 12 gauge shotgun.
Sa ila pagbalik sa guwa, ginpaandaman sang suspek nga indi magpalapit ang biktima apang padayon ini nga naga-atraka kabangdanan iya ini nga ginluthang kag naigo sa likod nga bahin sang li-og kag sa iya alatrasan nga gintunaan sang iya kamatayon.
Padayuon karon nga ginapangita sang kapulisan ang suspek.
