CAUAYAN CITY – MAHAHARAP SA KASONG RECKLESS IMPRUDENCE RESULTING IN HOMICIDE AND DAMAGE TO PROPERTY ANG ISANG LALAKI MULA SA BARANGAY BIYOY, KASIBU MATAPOS MAKABANGGA AT IKAMATAY NG ISANG MOTORCYCLE RIDER SA BARANGAY MACATE, BAMBANG, NUEVA VIZCAYA.
AYON SA ULAT NG BAMBANG POLICE, LASING ANG DRIVER NG VAN NANG MAGANAP ANG INSIDENTE.
NAKITA UMANO NG ISANG TESTIGO ANG MABILIS AT PAGEWANG-GEWANG NA PAGMAMANEHO NITO HANGGANG SA PUMASOK SA LINYA NG PAPARATING NA MOTORSIKLO.
NAISUGOD PA SA NUEVA VIZCAYA PROVINCIAL HOSPITAL ANG RIDER SUBALIT IDINEKLARA SIYANG DEAD-ON-ARRIVAL.
SAMANTALA, WASAK DIN ANG MOTORSIKLO SA LAKAS NG IMPACT NG BANGGAAN.
DAHIL SA PANGYAYARI, MULING PINAALALAHANAN NG MGA AWTORIDAD ANG MGA MOTORISTA LABAN SA PAGMAMANEHO NANG NAKAINOM.
NASA KUSTODIYA NA NG PULISYA ANG SANGKOT SA INSIDENTE PARA SA KAUKULANG DOKUMENTASYON.
