Manila, Philippines – Sugatan ang isang motorcycle rider matapos salpukin ng isang kotse ang minamaneho niyang motorsiklo sa UN Ave. sa lungsod ng Maynila.
Agad na isinugod sa pagamutan ang biktimang si Viequer Baed dahil sa mga tinamong sugat.
Binabagtas ni Baed ang northbound ng Roxas Blvd pasado alas dies kagabi nang salpukin ng kotse ni Jesus Cesar Mapanao sa kanto ng United Nations.
Batay sa report ng Traffic Bureau ng MPD, nasa right of way si Baed at naka-go si Mapanao ay humabol pa sa stop light kaya’t nasalpok nito ang rider.
Sa lakas ng pagkakasalpok ay nagkapira-piraso at nagtalsikan ang ilang parte ng motorsiklo ng biktima.
Nagtamo naman ng sugat sa tuhod si Baed at posibleng may bali rin ito sa braso.
Facebook Comments
