Lalaki pilason matapos ginpaarakan sang luthang ang ginamaneho nga awto sa atubangan sang Trinity Chritian School, Barangay Villamonte

24

Padayon nga ginabulong sa isa ka pribado nga ospital sa syudad sang Bacolod ang isa ka lalaki matapos nga ginpaarakan sang luthang ang gina maneho nga awto sa atubang sang Trinity Christian School, Villa Angela Subdivision, Barangay Villamonte syudad sang Bacolod pasado las siete sang gab-i, Setyembre 18, 2020.

Ang biktima ang ginkilala kay Mark Anthony Cubos, legal ang edad sang Purok Kamoteng Kahoy, Barangay 4 syudad sang Bacolod.

Sa imbestigasyon sang kapulisan, sakay sa iya awto nga Toyota Vios, duag gray ang biktima sang ginpaulanan ini sang luthang sang wala pa ma identify nga mga suspek.

Nag-angkon sang igo sa nawala nga abaga si Cubos matapos nga nag-igo ang napulo ka bala sa wala nga bahin sang iya nga awto.

Apisar sang samad nga naangkon, nakamaneho pa si Cubos padulong sa Police Check-up point malapit sa natabuan sang insidente sa Dalan Burgos, Helvetia Heights Subd., Barangay Villamonte syudad sang Bacolod para magpangayo sang bulig.

Padayon pa sa karon ang imbestigasyon sang mga kapulisan angut sa nasambit nga pagpaniro sa biktima.

[image: image.png]




Facebook Comments