Lalaki sa Alimodian, patay sang ginluthang sang iya bayaw

2221

Alimodian, Iloilo- Patay ang 42 anyos nga lalaki sa Barangay Balabago , Alimodian matapos ginluthang sang iya bayaw sang Sabado sang gab-i, Oktubre 13.

Ginkilala ang biktima kay Edgar Francisco sang nasambit nga barangay.

Suno kay Police Inspector Danilo Noca, hepe sang Alimodian Police Station, nagapapuli sa ila balay ang biktima sang ginlambatan sang suspek nga ginkilala kay Nilo Amora, 62 anyos kag ginluthang.

Nakaagum sang duha ka pilas sa ilok kag duha ka pilas sa likod si Francisco.

Gindala pa ini sa hospital apang gindeklarar nga dead on arrival.

Ginpahayag ni Noca nga daan nga hiligut-anon ang motibo sa krimen.

Yara na sa kustodiya sang Alimodian PNP si Amora.

(photo from web)

Facebook Comments