Patong – patong na kaso ang kinakaharap ng isang trenta anyos na lalaki matapos itong mahulian ng shabu at baril sa checkpoint sa San Carlos City.
Ang suspek ay nakilalang si Eddie Bugarin residente ng Brgy. Balite sa nasabing Lungsod.
Ayon sa impormasyon, nagsasagawa ng checkpoint ang PNP pasado alas diyes ng Gabi sa bahagi ng Roxas Boulevard nang parahin ang tricycle na minamaneho ng suspek upang hanapan ng kaukulang papeles.
Pagbukas ng bag ng suspek ay dito na tumambad sa PNP ang isang kalibre ng baril dahilan upang magtawag sila ng saksi at kapkapan ito.
Nakuha mula sa kustodiya nito ang isang Caliber 22 Revolver na may limang bala, isang sachet ng hinihinalang shabu na inilagay sa lalagyan ng sigarilyo na tumitimbang ng .22 grams at nagkakahalaga ng mahigit isang libong piso.
Inihahanda na ngayon ang kasong isasampa laban sa suspek. |ifmnews
Facebook Comments
