Lalaki samaran human gitigbas sa kainom niini

Sindangan, ZDN-Samaran ang biktima human kini gitigbas sa iyang kauban sa inom didto kini nahitabo sa may barangay Binuangan, sakop sa lungsod sa Sindangan, ZDN, sa mianging gabie Pebrero 27, 2019 bandang 8:30PM.

Ang biktima mao si Relito Antala Sumondong, 20 anyos, residente ra usab sa maong barangay kinsa gitigbas ni James Boy Paratan Simbulaan 19 anyos taga barangay Diongan, Siayan, ZDN.

Sa report nga nakuha sa PNP Sindangan, ang biktima ug suspetsado ug lain pang upat ka mga kauban niini sa trabaho ang wala gipanganlan, nag inom kini sila didto mismo sa ilang bunkhouse.


Apan sa tanto nilang inom-inom misangpot kini sa ilang panaglalis ug miresulta sa pagpanigbas, tungod kay dali nga mikuha ug lagaraw dayong tigbas ngadto sa biktima.

Maayong pagka laplap sa walang bukton sa biktima, hinungdan nga dali kining gidala sa balay tambalanan, samtang ang suspek samaran sab sa iyang bitbit nga lagaraw human kini sila nag dinumogay.

Hinuon wala nalang mipasaka ug kaso si Relito ngadto kang James boy ug iya nalang gipabayad sa nagasto niini sa balay tambalanan.

Facebook Comments