Salug- Ang kapulisan karon sa lungsod sa Salug padayon pa ang ilang ginahimong pagpangita sa suspek human kini nakabuhat ug salaot may kalabutan sa pagpang dunggab.
Kahinumduman nga samaran ang biktima nga si Richard Abne Garingo, 25 anyos ug residente sa brgy. Balakan, Salug sakop ning atong probinsya sa Zamboanga del norte, niadtong petsa 5, ning tuiga.
Ang giluba kini sa suspek nga si George Tantay Maloloy-on, 35 anyos, matod pa nag inom kini sila duol sa panimalay sa ugangan sa suspek.
Wala magdugay nagkalalis kini sila nga miresulta sa panagsumbagay, sa maong higayon ang suspek mipauli kini ug mikuha sa hinagiban nga kutsilyo ug mibalik dayong luba sa biktima.
Samaran ang biktima sa iyang too nga palad, human sa maong panghitabo dali kini nga miikyas sa lugar nahitaboan.
Samtang ang biktima nga si Richard naglaum nga sa di madugay masikop na kini sa kapulisan ang nagtago-tago nga suspek aron panubagan ang sayop nga iyang nabuhat.
