General Santos City—Samdan ang usa ka Christhoper Hermosa, hingkod ang pang-edaron ug residenti sa barangay San Jose, ning dakbayan human kining gipusil kagabie didto mismo sa ilang panimalay.
Subay sa pahayag sa biktima nga samtang siya anaa sa ilang kusina, kalit lang matud pa kining gisulod sa suspek dayon gipusil pila ka higayon. Igo ang biktima sa iyang tiyan nga bahin human sa pagpamusil.
Dugang pa sa biktima nga siya nakadagan gilayon mao nga wala siya mapuruhyan, paspas sab nga misibat ang suspek sakay sa motorsiklong naghuwat duol sa ilang panimalay.
Giangkon sab sa biktima nga aduna syay nakaatraso apan dugay nang panahon. sa karon ang biktima kasamtangan pang nagpaalim sa iyang samad nga naangkon sa Dr. Jorge Royeca Hospital.
Facebook Comments
