GENERAL SANTOS CITY- Kaso nga kalapasan sa Sec.5 ug 11 Art.II sa Republic Act 9165 ang possible atubangon sa suspek human kining madakpan sa buybust operation.
Giila ang dinakpan nga si Jasa Cama Natividad, alyas Jason, 24-anyos, dunay live-in partner ug kasamtangan nga nanimoya sa Purok 13, Block 19, Barangay Fatima ning syudad human nga napalitan sa gituohan nga illegal nga druga sa kapulisan sa gipahigayon nga buy bust operation. Kahibaloan niadtong nakalabay nga mga adlaw gikasa ang buy bust operation sa mga operatiba sa Fatima Police Station kauban ang MARPSTA ug sa pakigkoordinasyon sa PDEA 12 batok sa nasampit nga suspek sa Purok 16, Blk 7 Fatima, GenSan nga miresulta sa pagkasikop kaniya. Sumala pa nga nakuha sa maong suspect ang usa ka pakete nga sumala pa shabu sa nagpakaron-ingnon nga poseur buyer nga usa ka pulis gamit ang P500 nga buy bust money.
Sa karon nagtingkagol na sa Fatima Police Station ang maong suspectsado nga kasamtangan giandam na sa mga otoridad ang tukma nga mga dokumento ug dugang pa nga mga ebidensya alang sa pagpasang-at ug kaso sa korte sa nahisgutan.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: SIKOP.jpg]
