Davao City – Gibalhog na sa Tagum City Police Office ang usa ka lalaki nga nasikop sa buy-bust operation sa Purok Talisay-56, Barangay Magugpo East, Tagum City alas 2:37 sa kadlawon kagahapong adlawa (September 21, 2022).
Matud ni Police Lieutenant Colonel Jay Dema-ala, Acting Chief of Police (COP) sa Tagum City Police Office, ang suspek mao si alyas Part, 31 anyos, minyo, walay trabaho ug residente sa Taglawig, Maco, Davao de Oro.
Nakuha sa posisyon sa dinakpan ang sachet sa gituohang shabu nga motimbang og 55 gramos nga mokantidad og P3, 740.
Kasong paglapas sa Republic Act 9165 (Comprehensive Dangerous Drugs Act of 2002) ang atubangon sa suspek.
Nagpasalamat usab ang kapulisan sa kooperasyon sa publiko sa pag-report sa mga iligal nga aktibidad ilabina kadtong nalambigit sa iligal nga droga.
RadyoMaN Kirby Manzon
Facebook Comments
