Sikop ang usa ka indibidwal nga may kalambigitan sa guinadiling droga human naharang sa gihimong checkpoint sa kapulisan sa lungsod sa Baliguinan ning probinsya.
Didto kini nahitabo sa may dalang nasyunal, Brgy. Kauswagan, lungsod sa Baliguian niadtong adlawng Domingo bandang 5:40PM, diin niadtong puntoha nag himo dungan nga checkpoint ang kapulisan.
Naharang nila ang usa ka Rusi 125 kolor blue walay plaka numero ug nangayo ug mga papeles sa motorsiklo mga pulis.
Naila ang maong indibidwal nga si Jogie Domingo y Lumimba, 41 anyos, molupyo sa Brgy. Pob. Baliguian sa dihang matod pa gi ablihan niya ang iyang pitaka, usa sa police officer personal niya nga nakita ang usa ka heat sealed plastic nga adunay sulod nga white crystalline substance ug gitoohang shabu anaa kini sulod sa iyang pitaka.
Hinungdan sa walay pag langan-langan dali kining gi aresto sa mga tinugyanan sa balaod alang sa dugang imbistigayon. Narekober sa posisyon ni Jogie usa ka pitaka, duha ka disposable lighter, lakip na niini ang iyang mga IDs.
Kasamtangan karong nag atubang sa kasong paglapas sa R.A 9165 The Comprehensive Dangerous Drugs Act Of 2002 human napasaka ang kaso.
