Tampilisan- Tingkagol karon sa balay bilangguan ang usa ka lalaki human kini nasikop sa gimihong entrapment operation sa Tampilisan MPS niadtong adlawng byernes didto sa dalang nasyunal Pob. Tampilisan.
Kung kahinumduman subay sa taho sa kapulisan mitaho kanila ang usa ka 21 anyos nga dalaga usa ka estudyante nga taga brgy. Buenavista sakop sa lungsod sa Gutalac aron mangayo ug tabang.
Human matod pa nga mikontak kaniya ang iyang Ex Boyfriend nga si Agapito De Guzman Caballero, 46 anyos, taga brgy. Talinga, Sindangan. Aron makigkita, para makig hilawas bugti niini mao ang pag delete sa hubo nga hulagway nga iyang ge post sa internet pinaagi sa Facebook.
Dugang pa saysay sa biktima, kung magdumili siya sa gusto ni Agapito, mag post pag usab kini siya ug hubo nga hulagway lakip na ang video.
Hinungdan nga dali nga giplano sa kapulisan ang ilang pagsikop pinaagi sa entrapment operation, didto nahidangat si Agapitos sa ilang gisabutan nga lugar sakay kini sa single motor XRM kolor Blue, nagtangag sa plaka numero JN 7026 aron kuhaon ang biktima.
Pag angkas sa biktima sa motorsiklo dali dayon nga gi aresto sa mga pulis si Agapito, nakuha sa iyang posisyon ang usa ka Samsung Cellphone, positibo usab nga nakita ang mga Hubo nga hulagway lakip ang Video sa nahisgutan nga Cellphone.
Sa pagkakaron, pormal na usab kini nga napasakaan ug kasong paglapas sa *RA 9995 “Anti-Photo and Video Voyeurism Act”.*
