CAUAYAN CITY- Sa kulungan ang bagsak ng isang lalaki matapos ang ikinasang drug buy-bust operation sa Dancel St., Barangay Osmeña, Lungsod ng Ilagan.
Kinilala ang suspek na si alyas “Kiefer”, nasa wastong edad, at residente ng nasabing lalawigan.
Narekober sa pag-iingat ng suspek ang isang (1) heat-sealed transparent plastic sachet na naglalaman ng hinihinalang shabu, boodle money, at buy-bust money.
Dinala ang suspek sa himpilan ng Ilagan City Component Police Station para sa kaukulang dokumentasyon.
Mahaharap naman ang suspek sa kasong paglabag sa RA 9165 o Comprehensive Dangerous Drugs Act of 2002.
Samantala, ang naturang operasyon ay pinangunahan ng Drug Enforcement Unit (DEU) ng Ilagan City Police Station katuwang ang PDEA-Isabela Provincial Office.
