Huli ang isang 20-anyos na lalaki matapos magtangkang nakawin ang isang motorsiklo sa Barangay Pantal kahapon, Pebrero 16.
Ayon sa ulat, iniwan ng biktima, isang 57-anyos na negosyante, ang kanyang motorsiklo sa harap ng bahay nito bandang alas-sais ng gabi noong Pebrero 15.
Kinabukasan, napansin ng biktima na nawawala ang kanyang motorsiklo at agad na naghanap sa paligid.
Makalipas ang ilang minuto, nahanap niya ang nawawalang motorsiklo sa Barangay Pantal kung saan nakasakay ang suspek, na kinilala bilang isang lokal na bangkero.
Agad siyang humingi ng tulong kaya nahuli ang suspek sa lugar.
Dinala ang suspek sa ospital sa Bonuan Binloc para sa medical check-up bago ito dinala sa Dagupan City Police Office kasama ang motorsiklo para sa dokumentasyon at legal na proseso.
