Sa report gikan sa Presinto Dos, ang dinakpan giila nga si alyas Dondon 35 anyos, vendor ug na-rescue ang usa ka 15 anyos nga si alyas Najer Pogi parehong residente sa nasampit nga lugar.
Sumala pa, dihang gikasa ang buy bust operation napalitan ang suspek og usa ka pakete nga shabu kambiyo ang Php.10,000.00 nga mark money resulta sa pagkasikop sa dinakpan.
Gisuwayan sa Team sa DXDC RMN Davao sa pakighinabi sa suspek apan wala na kini mohatag ug pamahayag.
Nahinabi sab sa Team sa DXDC si Police Major Marvin Hugos, Station Commander sa San Pedro Police Station ug matod pa usa sa ilang ginamonitor ang suspek.
“Ang kauban nga minor iyang gigamit sa illegal nga binuhatan. Ang minor temporaryo naa sya diri San Pedro og nagpa abot pa ta unsay disposition aning bataa kay menor de edad pa ni sya,” sulti ni Hugos.
Ang suspek balhug na sa selda sa San Pedro PNP og mag-atubang ug kasong kalapasan RA 9165 Comprehensive Dengerous Drugs Act of 2002 samtang ang menor de edad gikustodiya na Women and Children Protection Desk (WCPD) sa San Pedro Police Station.
RadyoMaN Don Pulayao
