Dali nga ge respondehan sa kapulisan sa lungsod sa Polanco ang gikaaingong patayng lawas nga nakita sa may dalang nasyunal Brgy. Macleodes, Polanco human nakadawat ug tawag gikan sa usa ka nagpakabanang lungsuranon.
Ang maong indibidwal wala kini diha-diha naila sa mga tinugyanan sa balaod tungod kay wala kini mga Identification card.
Sa gihimong post mortem examination nga gihimo sa RHU nasayran nga nakaangkon kini ug samad pinusilan sa iyang kalawasan.
Kagahapon naila na ang pangalan kini ang gibutyag sa hepe sa lungsod sa Polanco nga si PC/Insp Trabadillo ang maong indibidwal nga nakaplagang patay mao si Alejandro Bulay-og Eman, molupyo sa Purok 2, Magcamiguing, Calamba, Misamis Occidental.
Sa pagkakaron wala pa napagawas ang resulta sa gihimong Autopsy pinaagi ni Kernel Uy kung may lain pang hinungdan gawas sa pagpusil.
Gikabutyag usab ni S/Inps. Cañete gikan Calamba MPS sa Mis. Occ. nga ang namatay nga si Alejandro Eman adunay kini patong-patong nga kasong giatubang sa ilang lungsod.
Gilangkuban kini sa kasong Illegal Possession of Firearms ug pagpanglugos, samtang ning bag-ohay lang sa miaging semana napasakaan na usab kini ug kasong robbery ug murder.
